1

تعليقـات

Facebook

Twitter

Google

send


جـميل ضـاهر

ساعة BREAK في دبي

استراحة الغداء في دبي

كلام اللبنانيين ساعة الظهيرة مختلف تماماً عن كلام المساء في دبي، فساعة الغداء تجمع إليها التناقضات والأذواق وتفتح الشهية للحوارات التي تبدأ ولا يمكن أن تنتهي بإقناع أي منّا بوجهة نظر حملناها في حقائب الهجرة التي بتنا نتقنها جيداً.

 

بعد الإنتهاء من التأفّف الذي يمكن أن يحضر لأي سبب مهما كان، تبدأ عملية التمحيص بالـMENU الذي نلتقيه يومياً ونعرفه جيداً، فالحركة في صيف دبي محدودة، ولا يمكن الإبتعاد عن مكان العمل.

 

نظرة سريعة إلى الطاولات ومن يجلس إليها وما عليها من طعام ...  قليلة هي الأشياء التي "تبهر" اللبناني، لعلّنا لا زلنا نؤمن بأن لبنان "أجمل بلد في العالم".

 

-    شفتوا "ملك جمال لبنان"؟

(قهقهات عالية)

-    قال بدّو نجمع الزبالة بالبيت ..

-    سمعت بيار حشّاش شو قال؟

-    مجنون

-    مسكين.. تسبّب بالإحراج لأهله

-    إيه وصلني على فايسبوك وعلى تويتر

-    –فتحوا ملف جبران باسيل 

-    مين؟

-    مجموعة نواب المستقبل ..

-    جبران صاحبك وظّف 40 مستشار في وزارة الكهرباء يتقاضى الواحد منهم بين 10 آلاف إلى 15 ألف دولار شهرياً!!

-    طيب.. بكرا نواب عون بيفتحوا ملف تيار المستقبل

-    بلد بيفتح النفس

-    شو رح تاكلوا اليوم.. SALAD؟

-    نازل هذا الأسبوع على بيروت؟؟

-    السنة الوضع بقرّف عم فكر بأوروبا

-    شو أوروبا أحسن؟؟ كلها نازحين بتحسّ حالك بالشام

-    قليلة .. شفتوا هذه الصحفية الحقيرة التي عرقلت الأب وابنه؟؟

-    يقال إنها طُردت من عملها

-    بتضل أوروبا بلاد فيها حقوق انسان فيها محاسبة والفساد محدود ..

-    شو بدك بأوروبا تعال شوف مطار بيروت

-    لا اااا.

-    أوه.. مبارح يوم استثنائي في مطار بيروت

-    واحد من عائلة "السبع" دخل على جمارك المطار وضربه لرئيس الجمارك

-    "اسم على مسمى"

-    ما حدى تجرأ أن يوقفه ...؟

-    ليك شو بيعمل كل هالعسكر بالمطار؟ طالما 7 اشخاص يستطيعون إقتحامه وضرب رئيس الجمارك؟؟!!

-    بتعرف على شو الخلاف؟؟

-    على 400 أو 300 دولار !!

-    شو هالبلد .. "ألله ما بضبطو"

-    مبارح شفت كيف اقتحموا المتظاهرين  ZAYTOUNA BAY ؟

-    جابوا معهم  فلافل ومناقيش وفي واحد جاب كروش .. (مهضوم)

-    شفت .. انشالله يكسروها للزيتونة... الـPARKING بشي 10 الاف ليرة يا رجل !!

-    بتعرف اذا بترجع الأملاك البحرية MAN مصاري الله للدولة

-    انسى

-    شو صار على دالية الروشة  ..

-    المتظاهرين قبعوا الشريط انشالله يكفوا

-    بكفوا بس ما عم بدقوا إلا بالسنّة

- MAN  بلش الحكي يطال وزراء الشيعة كمان  وبري وجماعتو

-    فرصة هذا النظام يدمّر نفسو بنفسه

-    شو رأيكم بالـSALAD هون بهذا المحل ؟؟SALMON  OK

-    بالبداية كان جيد بس بلش يخرب

-    الظاهر صاحبه لبناني

-    هههه

-    ما بيقدروا الفساد بدمهم

-    من يومين طلبت تبولة من محل 5 STARS ، مش معقول زبالة

-    انا خلص ما عاد روح على أي مطعم لبناني .. كلو تجليط

-    وين السهرة هالجمعة ؟؟

-    يمكن ميوزك هول او زوما؟ 

-    برافو الفتريادس نجح مشروعه

-    غالي شوية

-    لا اسعاره معقولة بس دبي كلها اسعارها نار

-    بتعرف بضل السهر بلبنان غير 

-    ما هو بدك تخلص هالموجة الثورية

-    كان ناقص الغبرة

-    مش معقول حظ اللبنانية شو معتر 

-    شوب وكهربا مقطوعة وغبرة وزبالة وحكومة فاسدة ونواب "أخوات..."

-    طيب بعدين ؟؟

-    شو صار مع أكرم شهيب؟

-    خي شهيب شو رح يعمل؟؟

-    بشيل الزير من البير؟؟

-    ما هو واحد منهم

-    احلى شي وئام وهاب بدّو يشلح سوكلين مليار دولار ...

 

تقترب الساعة من نهايتها ونعود نحو طوابقنا، كل إلى طاولته، يقوم بزيارة سريعة على مستجدات أخبار لبنان ... كل شيء في مكانه بانتظار المفاجآت التي يخبّئها هذا المجتمع الذي ينخر عظام السفينة يوماً بعد يوم ... الماء بدأ يتسلل إلى داخلها .. هل اقتربت ساعة الانهيار...؟  فلنفرح قليلاً ولنلقِ نظرة الوادع على ذكرياتنا المتبقية، التي خبّأناها أيام زمان تحت حجارة بعيدة.

 

قليلة هي الأشياء التي "تبهر" اللبناني

  • فلاح السعيدان

    يعني ياجميل نقول متل مقال زياد الرحباني ........عاهالجمهورية المليانة بالفساااااااااااااد

    16 أيلول 2015